Í eina tíð, hava vit á stovninum arbeitt við missión, visión og virðum. Úrslitið sæst í hjálagda fíli. Grafiskt er arbeiðið prenta á karton, og sett upp sum ein trýhyrnað pyramida. Tí kann hjálagdi PDF fílur verða eitt sindur torførur at lesa her á síðuni. Ætlanin er at fáa gjørt fílin um til eina "livandi" mynd, soleiðis at tað grafiskt sæst meira klárt, hvat úrslitið av arbeiðnum er.
Missión, visión og virði
Samandráttur: Vit virka fyri tryggum, góðum matvørur, góðari djóraheilsu og ríkum ódálkaðum umhvørvi.
Ársætlanir á stovninum: Tær ársætlanir á ymiskum økjum, sum verða gjørdar við endan á 2005, verða lagdar út á portalin, so hvørt tær verða lidnar.
Úrslit av eftirmeting av ársætlanum Eftirmetingin av 2005 er byrjað, og so hvørt úrslitini eru liðug, verða frágreiðingarnar lagdar út á portalin.
Okkara fysisku karmar.
Okkara fysisku karmar, hava síðstu árini ofta verið á breddanum. Niðanfyri síggjast tær verkætlanir sum hava verið gjørdar fyri heilt nýggjum hølum til Heilsufrøðiligu starvsstovu, og grundarlagið sum er undir verðandi umbygging.
Nýggjur bygningur til okkum. Í 2002 fekk Heilsufrøðiliga starvsstovan gjørt byggiprogram fyri heilt nýggjum hølum til okkum. Til hetta endamálið, fingu vit neyðugu ráðgevingina frá donsku fyritøkuni Novo Nordisk Engineering A/S. Les teirra byggiprogram fyri nýggjari starvsstovu, niðanfyri.
Umbygging ístaðin fyri nýbygging. Byggiprogrammið til nýggj hølir bleiv ikki sett í verk. Vit hava eftir førimni roynt at húsast í hølunum á Debesartrøð,men so hvørt økið við fiskasjúkukanningum er vaksið, og tørvurin á at útskifta ventilatiónina er eyðsýndur, og entá kravdur av Arbeiðseftirlitinum, er ein umbygging sett í gongd á Debesartrøð. Hetta er m.a. eisini lýst í okkara kunningarskrivum. Niðanfyri er ein principtekning, sum vísur, hvat umbyggingin umfatar.
