Stutt lýsing av skiljiblaðnum arbeiðsøki
Arbeiðsøkini eru skipað eftir arbeiðsøki, t.e. matur og djór, eftir virkisøki, t.e. eftirlit, kanningar , tænastur, fyristing, gransking og kærur og eftir slag av áhugabólki sum onkurvegna hevur nakað við okkum at gera, t.e. inn- og útflytarar, virki, fiskavirki, matstovur og handlar, kommunur, alarar og lesandi.
Trýst teg fram til tað, tú leitar eftir. Um tú ikki finnur tað, tú leitar eftir, so ring 55 64 00 og vit hjálpa tær !
Millum okkara viðskiftarar eru útflytarar av fiskavørum. Útflytararnir fáa javnan undirskrivað heilsuváttanir á stovninum, fyri vøru sum kemur frá virkjum, sum vit hava løggildað. Hesin teigurin er ætlaður til at samla okkara almenna samskifti millum okkum og føroysku útflytararnar, bæði hvat heilsuváttanum viðvíkur men eisini meira almenn kunning hvat útflutningi viðvíkur.
Dagfesting: 10. juli 2010
Útflutningur av feskum fiski til Russlands
Samandráttur: Við avtalu við Fødevarestyrelsen í Danmark, sum góðkent av russisku veteriner myndugleikunum, gerst útflutningurin
til Russland nógv smidligari enn higartil.
Dagfesting: 28. januar 2010
Bati fyri føroyskan útflutning av frystum fiski til Russlands
Samandráttur: Russiski veterineri myndugleikin hevur boðað frá, at føroyskur frystur fiskur kann flytast við frystiskipum til Russlands í somu last sum vøra úr øðrum tjóðum, eitt nú úr Íslandi ella Noreg.
Dagfesting: 26. januar 2010
Russlandslistin verður dagførdur í viku 4 í 2010
Samandráttur: Vit minna á, at Russlandslistin (listi yvir virki/skip/goymslur góðkend at útflyta fiskavørur til Russlands) aftur verður dagførdur í vikuni frá 25. til 29. januar 2010.
Dagfesting: 19. november 2009
Russlandslistin dagførast í viku 48
Samandráttur: Heilsufrøðiliga starvsstovan fer við hesum, at heita á fiskaframleiðarar/goymslur/skip, sum eru áhugað at koma á listan yvir framleiðarar,sum hava loyvið at útflyta fisk og fiskavørur til Russlands, um at senda stovninum umsókn sum skjótast.
Dagfesting: 16. juni 2009
Veterinerváttanir til Russland
Samandráttur: Mannagongd fyri undirskriving av veterinerváttanum fyri fisk og fiskaúrdráttir til Russland, er gjørd.
Dagfesting: 9. juni 2009
Russisk heimasíða dagførd
Samandráttur: Føroysku virkini, ið kunnu útflyta fisk og fiskaúrdráttir til Russlands, eru nú komin á heimasíðuna hjá russiska myndugleikanum.
Dagfesting: 5. juni 2009
Løggilda og góðkend matvøruvirki
Samandráttur: Ynskir tú at kunna teg um matvøruvirkini ið kunnu útflyta til Russland, so finnast upplýsingarnir her.
Dagfesting: 4. juni 2009
Russiska innflutningsbannið
Samandráttur: Í dag boða russiskir myndugleikar frá, at innflutningsbannið er sett úr gildi við virknað frá 15. juni 2009.
Dagfesting: 21. januar 2009
Avtalan við russisku myndugleikarnar
Samandráttur: Her finnur tú avtaluna ið er gjørd við russisku myndugleikarnar. Haraftrat hava vit umsett tíðindastubba, ið Rosselkoznadzor hevur gjørt um avtaluna við okkum.
Dagfesting: 19. januar 2009
Áheitan á matvøruvirki og skip, sum ætla at útflyta fisk og fiskavørur til Russlands
Samandráttur: Her er kunning um hvussu søkjast kann um, at koma á listan yvir virki og skip, ið kunnu útflyta til Russland. Svarfreist hjá virkjum og skipum er sett til tórsmorgunin 22. januar 2009.
Umsóknarblað dagført 20.01.2009
Dagfesting: 15. januar 2009
Samstarvsavtala við russarar undirskrivað.
Samandráttur: Heilsufrøðiliga starvsstovan og Rosselkoznadsor hava í dag undirskrivað samstarvsavtalu. Avtalan inniber at føroyingar nú aftur kunnu útflyta fisk og fiskavørur til Russlands.
Dagfesting: 26. november 2008
Føroyskar vørur, í transit gjøgnum Russland
Samandráttur: Russiskir myndugleikar góðtaka, at føroyskar vørur fara í transit ígjøgnum landið, t.d. til lond, ið liggja eystanfyri Russland.
Dagfesting: 17. oktober 2008
Tað nýggjasta um innflutningbannið hjá russum
Samandráttur: Innflutningsbannið, sum russar løgdu á allar føroyskar fiskavørur tann 1. september 2008, er framvegis galdandi, men glottar eru tó at hóma.
Dagfesting: 2. september 2008
Útflutningur til Russlands.
Samandráttur: Russiska innflutningsbannið mótvegis Føroyum er galdandi fyri allan fiskaútflutning.
Dagfesting: 31. mai 2006
Føroysk matvøruvirki á ES lista
Samandráttur: Heimasíðan hjá ES hevur nú dagførdan lista yvir føroysk matvøruvirki (t.v.s. fiskavirki), ið eru løggildað av okkum at framleiða til ES marknaðin
ÚTFLUTNINGUR TIL RUSSLANDS - vegleiðingar og kunning.
Dagfesting: 7. mai 2008
Russiskir myndugleikar á eftirlitsvitjan í Føroyum
Samandráttur: Væl av laksaúrdrátti verður útflutt til Russlands úr Føroyum. Í tí sambandinum eru russiskir landsmyndugleikar á eftirlitsferð í Føroyum í hesum døgum.
Dagfesting: 24. desember 2006
Nýggj russisk krøv til innflutning av sild og makrel úr Noregi
Samandráttur: Herfyri settu russiskir myndugleikar treytir til norska útflutningin av laksi og laksaúrdráttum. Nú verður broddurin kanska vendur móti norskum útflutningi av sild og makrel.
Herfyri settu russiskir myndugleikar kikaran á okkum, viðvíkjandi føroyskum heilsuváttanum fyri fisk útfluttur til Russlands.
Dagfesting: 13. oktober 2006
Falsan av heilsuváttanum í.s.v. innflutning til Russlands
Samandráttur: Í samband við herda eftirliti við innfluttum fiski frá Føroyum, Noregi og Íslandi, hava norðmenn nú fingið síni viðurskifti í rættlag við russisku veterineru mynduleikarnar.
Dagfesting: 8. september 2006
Nýggjasta innan útflutning av fiskavørum til Russland
Samandráttur: Sambært Fiskeridepartemente í Noreg hava russar nú sett nýggj strong veteriner krøv til norsk virki, sum útflyta feskan og frystan fisk til Russland. Krøvini skulu verða lokin innan 1.oktober 2006. Grundgevingin hjá russum er, at veterineru myndugleikarnir hava varnast, at heilsuváttanir, sum fylgja fiskinum um mark, í fleiri førum eru falsaðar.
Dagfesting: 1. september 2006
Russarar herða innflutningseftirlitið av føroyskum fiski
Samandráttur: Ivasamt er í løtuni hvørjar váttanir russisku myndugleikarnir vilja góðtaka. Vit fylgja við gongdini og arbeiða við at útvega skjølini russar ynskja. Galdandi heilsuváttan, sum er at finna á heimasíðu okkara, er í ávísum førum avvíst.
